Ang dami kong gustong sabihin pero walang mga salitang nais lumabas sa aking labi. Mga katagang nais kong ilabas ngunit nakakubli lamang sa aking isip at puso. Mga tanong na hindi ko alam kung may kasagutan, mga takot na di ko alam kung may kabuluhan. Samu’t saring emosyon, samu’t saring pakiramdam ngunit walang iisang direksyon na patutunguhan. Napakagulo, ako’y litong-lito. Hindi ko nanaman maintindihan ang sarili ko.
Mayroon bang nais makinig sa akin? Mayroon bang makakaintindi sa akin? Mayroon ba?
